💻 QARAÓZEK RAYONI 33-SANLI MEKTEPTE «MENIŃ SANLI HUQÍQLARÍM» TEMASINDA SEMINAR ÓTKERILDI

✅Ózbekstan Respublikası Ministrler Kabinetiniń 2026-jıl 3-marttaǵı 91-sanlı qararı hám Mektepke shekemgi hám mektep bilimlendiriw ministrliginiń tiyisli tapsırmasınıń orınlanıwın támiyinlew maqsetinde Qaraózek rayonı mektepke shekemgi hám mektep bilimlendiriw bólimine qaraslı 33-sanli ulıwma orta bilim beriw mektebinde «Meniń sanlı huqıqlarım» temasında interaktiv seminarlar hám oqıw shınıǵıwları shólkemlestirildi.

✍️ Seminarlar dawamında:
✅ Oqıwshılarǵa sanlı keńislikte óz huqıq hám minnetlemelerin biliw, kiberqáwipsizlik qaǵıydalarına ámel etiw hám jeke maǵlıwmatlardı qorǵaw boyınsha zárúr túsinikler berildi.
✅ «Digital Rights Week» sheńberinde interaktiv treningler, viktorinalar hám pikir-talaslar ótkerilip, oqıwshılardıń sanlı sawatlılıǵın arttırıwǵa itibar qaratıldı.
✅ «Keys-stadi (Case-study)» usılı tiykarında «Meniń huqıqım buzılǵanda» temasında ámeliy hám simulyaciyalıq shınıǵıwlar shólkemlestirildi.
💻 Shınıǵıwlar dawamında oqıwshılar sanlı dúnyada qáwipsiz hám juwapkershilikli háreket etiw, óz huqıqların qorǵaw hám jeke maǵlıwmatların abaylap paydalanıw boyınsha kónlikpelerin bekkemledi.
🔵 Seminar dawamında oqıwshılar ózlerin qızıqtırǵan sorawlarına tolıq juwaplar alıp, sanlı huqıqlar, kiberqáwipsizlik hám jeke maǵlıwmatlardı qorǵaw boyınsha paydalı bilimlerge iye boldı.
👨‍💻 Sanlı dúnyada óz huqıqlarıńdı bil — qáwipsiz hám mádeniyatlı paydalanıwǵa úyren!