Qaraqalpaqstan Respublikası Ishki Isler ministrligi ushinshi zonalıq aymaq zonalıq muwapıqlastiriw orayı kinologiya toparı xızmetkerleri tárepinen Qaraozek rayonlıq Mektepke shekemgi hám mektep bilimlendiriw bólimine qaraslı ulıwma orta bilim beriw mekteplerinde oqıwshı jaslardı watan suyiwshilik ruwxında tárbiyalaw kinologiya xızmetine qızıǵıwın jánede arttırıw maqsetinde ulıwma hám arnawlı jónelisleri boyınsha tayarlanǵan xızmetleri járdeminde kórgizbeli shıǵıwları kórsetildi.Jańa qararǵa bola, fizikalıq hám yuridikalıq táreplerge úyretilgen iytlerdi satıp alıw yamasa óz iytlerin arnawlı kónlikpelerge úyretiw imkaniyatı jaratıldı.
Ministrler Kabinetiniń 2019-jıl 9-sentyabrdegi 750-sanlı qararına ózgerisler hám qosımshalar kirgizilip 2023-jıl 31-avgusttaǵı 432-sanlı Qararına tiykarlanıp, endi fizikalıq hám yuridikalıq tárepler de úyretilgen iytlerdi satıp alıwı yamasa óz iytlerin arnawlı kónlikpelerge úyretiwi múmkin!
Usı qarardıń orınlanıwın támiyinlew maqsetinde 3-ZAZMO Kinologiya toparı xızmetkerleri Qaraozek rayonındaǵı bir qatar ulıwma bilim beriw mekteplerinde kórgizbeli shıǵıwlar ótkerdi. Shıǵıp sóylewler dawamında ishki isler uyımları kinologiya xızmetiniń professional kinologları tárepinen xizmet iytleri menen ótkerilgen kórgizbeler oqıwshılarda úlken qızıǵıwshılıq oyattı.
Kórgizbeli shıǵıwlar dawamında puqaralar hám shólkemlerge tiyisli iytlerdi ulıwma boysınıwshılıq hám qorǵaw-qarawıl kónlikpelerine tayarlaw boyınsha tólemli xızmetler haqqında tolıq maǵlıwmatlar berildi.
Sonday-aq, Respublikamiz aymaginda otkerilip atirgan “QARA DÁRI-2025” operativ-profilaktikalıq ilajı sheńberinde oqıwshılarǵa náshebentliktiń zıyanlı aqıbetleri, onıń jınayıy juwapkershilikke alıp keliwi haqqında túsinikler berilip, jaslar náshebentlikten eskertildi.
Bunday ilajlar jámiyetimizde huqıqbuzarlıqlardıń aldın alıwda hám jaslardı durıs jolǵa baǵdarlawda úlken áhmiyetke iye.