Қадим Орол денгизи соҳилларида яшаган туркий қавмларнинг муқаддас қабристонларидан бири – Қабақли ота мақбараси Қораўзак тумани «Қораўзак» ОФЙ ҳудудида қад тиклаган. Қабристон шимолдан жанубга ярим чақиримча чўзилган баланд тепаликда жойлашган. Қабақли ота ҳақида ҳалқ орасида анчагина ривоят, афсоналар сақланган ва у кўпинча чорвадорлар ҳомийси сифатида гавдаланади. Шулардан бири, қурғоқчилик йилларида дуо кучи билан ёмғир ёғдириб, гиёҳ кўкартирганлар. У бу ерларга XVII асрнинг охирларида Туркистондан келган ислом динини тарғибот қилувчи маърифатпарвар уламолардан ҳисобланади. Айтишларича, У йўл бўйида катта сув тўли қобоқни кўтариб юради экан ва йўлда кетаётган-келаётган чанқаған йўловчиларга сув бериб кўп савоб ишларини қилган инсон бўлган. Шу сабабли, халқ уни Қабақли ота деб атай бошлаган.