Mámleketimizde barlıq tarawlarda keń kólemli jumıslar ámelge asırılmaqda. Awıl xojalıǵında eginlerden mol hám sapalı ónim alıw, jónelisiniń social-texnikalıq bazasın bekkemlew, zamanǵa-say texnikalar menen támiyinlew qatań itibar qaratılmaqda. Ámelge asırılǵan jumıslar nátiyjesinde 2022-jıl yanvar-oktyabr aylarında kórsetkishlerniń ótken jıllıq usı dáwirine tiykar bir qatar nátiyjege erisilgenligin kóremiz.

Qaraózek rayonında 2022-jıldıń yanvar-oktyabr aylarında islep shıǵarıw tarawında 274,5 mlrd.swmdı qurap, 2021-jıl usı dáwirine tiykar 108,7 payızǵa, qurılıs tarawında 289,1 mlrd, ótken jıldıń usı dáwirine salıstırǵanda 89,1 mlrd.swm, sawda-satıq tarawında 241,3 mlrd.swmdı qurap, ótkenjıldıń usı dáwirine salıstırǵanda 110,2 payızǵa, xızmet kórsetiw tarawında 123,1 mlrd.swm qurap, ótken jıldıń usı dáwirinde salıstırǵanda 110,4 payızdı  quraǵan.

Rayonımızdıń xalıqtıń jan basına salıstırǵanda islep shıǵarıw tarawı 5100,9 mıń.swm, qurılıs tarawı, 1655,8 mıń.swm, sawdı-satıq tarawı 4483,8 mıń.swm, xızmet kórsetiw tarawı 2289,0 mıń.swmnan tuwra keletuǵınlıǵın kóriwimiz mumkin.

Mámleketimizdiń ekonomikasınıń negizgi kórsetkishlerinen biri bolǵan kishi biznes hám jeke isbilermenlikti rawajlandırıw puqaralardı isbilermenlikke keńnen tartıw olar ushın sharayatlar jaratıw mikrofirma hám kishi kárxanalarda bántligi támiyinbegen jaslardı jumıs penen támiyinlew boyınsha rayonımızda keń kólemli jumıslar ámelge asırılmaqta.

Buǵan mısal retinde alatuǵın bolsaq usı jıldıń 1-sentyabr halatına rayonımız aymaǵında 1287 xojalıq júrtiwshi subektler mámleketlik dizimge alındı. Sonnan kishi biznes subektleri 617di quraydı. Al dizimge alınǵan kishi biznes subektlerinen hárekette turǵanları 589 subekt bolıp, házirgi kúnde sapalı xızmetlerin kórsetpekte. Rayon statistika bólimi tárepinen jańadan ashılǵan isbilermenlik subektlerine mámleketimiz tárepinen berilip atırǵan jeńilliklerdi qolaylıqlardı statistika bólimine tapsırılatuǵın esabatlar múddetleri hár aydıń birinshi aqırǵı juma kúnleri seminarlarda, sonday-aq  birinshi hám aqırǵı juma kúnleri turaqlı turde ótkeriletuǵın «Ashıq esikler» kúnlerinde keń turaqlı túsnik jumısları alıp barılmaqta.